↑指甲DIY相片

今天返2放6，之後過左去又一城Log-on，

因為o個到有Canmake的專櫃，係台灣買既指甲油用晒了，

要去買返，總共買左兩支，一支係銀色閃粉$60，

另一支係上網d人話可以塗出漸變顏色(紅色)$36，所以都買左黎試。

其實仲睇中左o個支噴頭髮有士多啤梨香味既野，

不過好似都幾貴，等下次先買lu....

之後係Taste Super Market行左兩個鍾，發現自己真係好師奶，

一個人行超級市場都可以逛咁耐，應該係因為o個到賣一d平時

普通超級市場買唔到既特別野，至會咁吸引我，

係日本零食區逗留得最耐。。。(>_<)

又入左好多貨，我就黎將我公司個Locker塞到爆滿(用d零食)，

都好丫，得閒可以請多d同事食野，大家一齊分享先開心丫嗎~

結帳$三百幾蚊，幸好剛剛出糧冇耐…

P.S 新指甲油效果比想像中好，快乾&質地都好好，

   之後會多嘗試Canmake的化妝品，蠻喜歡的~

不知不覺，已經習慣了孤獨的感覺…

習慣一個人行街…

習慣一個人過節日…

習慣一個人開心…

習慣一個人傷心…

習慣一個人躲起來流淚…

習慣一個人睇戲…

不知道從甚麼時候開始，習慣做甚麼事都是自己一人，

一個人的好處，是每天二十四小時全屬於自己，

個世界幾時開始幾時停，完全由我一個人作主，

我喜歡去那裡就去那裡，喜歡做甚麼就做甚麼，

想甚麼就想甚麼，我喜歡怎樣就怎樣，

總之…我喜歡就可以~

我不太肯定我是喜歡一個人，還是喜歡兩個人。

當在某些時候，還是需要那個『他』的出現…

例如，不開心的時候想有人跟我分享，聽我傾訴，在旁安慰我，

在我不知怎樣選擇的時候，幫我做決定。

其實，我也有很小女人的時候，

我喜歡在家做菜、學做甜品，做小手工，準備便當給自己，

至於家務方面，雖然…口講說經常討厭執拾東西，

但卻偏偏抵受不到收拾完家中一切，乾乾淨淨的滿足感。

有幾晚在夢中，也夢到同一個人，

只覺得很溫暖，是可被自己依賴的感覺，

只可惜，偏偏想不起那個『他』的樣子…

開始嘗試去了解多點自己，了解自己真正的需要。

終於報了急救班，一早已經想學，就是因為高考，

遲遲未報，兩年前的事情終於解決。

另外，想學中心安排比職員參加的魔術班。

早前又買了很多學習日文的書籍，

再過一段日子，如果時間許可，想出去學返 Jazz 跳舞。

說真的，我真的不是妳們眼中想像的『上進』，只是在逃避，

看來，不久的將來，我又要沈淪於自己為自己而設的忙碌中…

雖然，我自己也不知道為什麼要這樣，但，好像會好過一點，覺得自己有存在。

前幾天收到的面試信，又把我變成熱窩上的螞蟻，

焦慮及不安同時湧出，為什麼要打亂我一切的安排呢！？

我真的變了，由一年前開始，決定重讀，

然後決定護士學校，再要決定IVE，之後還有我現在的工作…

一切一切也不在我掌握中，這就是人生吧！*

今天，真的經歷了一件很心痛既事，難過得要命。

我真的放棄了，雖然這好像是一早自己能預料到的結果，但卻比我想像中難接受，我太高估自己的能力…

這是我最後一次提我的夢想，以後，不會再有機會，我也不會固執下去。。。

從小到大的我，沒有方向，更不要說理想，天真的我沒有想過未來。

自中三15歲那年，經歷了一星期的住院，立志決心要做護士，之後就一直向著這個方向，前進，我一直有很用心讀書，不知是不是藥物的影響，雖然負出比別人多的努力，也沒有辦法彌補這個事實。

今天面試，我用盡我的一切，也不能夠挽留我不能成為護士的這個事實。

這次的second in我知我有能力pass的，如果我是一個健康的人。

我生病需要食藥是我能夠選擇嗎？我的家庭背景是我能夠選擇嗎？這通通也不是我能控制的因素，我能做到的，是用我的餘生去貢獻、服務別人。

有時真的很矛盾，如果我不是有哩個病，我可能哩世都唔會想做護士，偏偏，就係因為哩個病成為我的絆腳石。

我有錯嗎？好多人生病之後先懂得珍惜自己的健康，我只係比佢地早去珍惜自己身體，每天起身落樓下跑步，食健康既野，不去通霄達旦…這一切一切都係為左有一個健康既身體，去做我想做既野。

世事，往往不是你負出多少，便能獲得多少。

如果有得選擇，我真係唔想有病，唔想結婚，唔想有小朋友，因為我無信心可以做到一個好既媽媽，也不想世界上多一個單親家庭。

一直以為自己的堅持係擇善固執，原來是很傻的想法。

我真的沒有自己想像中的堅強，眼睛不停留出眼淚，但最痛既係個心，這種傷心的感覺真的很久很久沒有嘗試過，就像是失去一切…

這次，真的是最後一次說出這一件永遠都無辦法實現的一個願望，或許，下輩子，我能夠做一個健健康康既人，再去實現這個心願。

“Whe one door close, another opens.”

偶然的機會下加入社福界，做有關社會服務的工作，同樣是幫人，但性質唔同，

或許，這是冥冥中上天的注定，這就是為我而開的另一扇門嗎！？

3/8/09 - 4/8/09 西貢白普理營兩天一夜Camp

去Camp去得多，但第一次不是一個參加者角色，

而是協助帶領。去之前都好驚自己做唔好…

唔知點解諗起好多以前行山既野，我真係唔鍾意行Night Walk，

但今次係第3次，感覺竟然唔同。。。

全程只係想做好自己既本份，即使係辛苦d or 做得多d都唔緊要，

雖然我可能有大意既時候、疏忽既時候、累的時候，

但我只想比人知道我真係有用心去辦好一件事情。

我不會忘記今次學到既野，都很多謝阿Sir的包容，

畢竟，我都真係幾蠢下，經常需要人地提點，謝謝！

大部份時間我都係拎住部相機幫d小朋友影相，

2:00a.m訓，5a.m醒左，打算出去睇日出，但冇勇氣開門，

於是係張床到擾攘到5:30a.m，之後終於出左門口睇下，

點知落雨同好多雲，跟本無辦法睇到，之後只好返返入去

睇住天光，然後6:00a.m影左幾張相，哩個時候既天空同第一次睇好唔同，

雨過後的天空真係會更靚。只可以post以下哩幾張係到。

上幾星期整的木糠布甸蛋糕，係中心whylie姑娘學返黎的，

材料好簡單，不過用手"發"真係有點累，賣相係樣衰d，

不過味道ok嫁，我搵我d屋企試過，下次可能用杯整會更好。

7/8 去Interview個朝早等巴士，見到累異像，應該係飛機雲，

但我真係唔明點解架飛機會斜上去斜落，大圍哩邊應該

唔會起飛到，anyway，原本未訓醒，但見到即刻醒晒，

定眼咁係咁望睇住佢愈畫愈長，這是等巴士的樂趣！？

哩個係翠婷筆下的我~ 而家貼左係我locker到，

超靚，仲同我o個日著冒衫褲一樣，佢真係好有畫畫天份！

女仔黎講，我既畫工應該係算最差，我只係識畫火柴人

明天去半月灣沙灘，雖然唔識游水，不過去玩下都好，

好似真係n年冇去過沙灘or泳池，一星期的大假就快過啦，

雖然個心真係都幾想去旅行，不過，唔緊要啦，

假期比自己休息下，多d陪屋企人。

放假都要返中心教跳舞，

真係有d擔心佢地完唔完成到隻舞，

早幾日上堂前"話"左佢地一餐，因為真係有d好唔認真咁上堂。

超可愛表弟，佢個樣真係好傻。。。Cute

持續失落中…

哩幾星期都十分呆滯。。。

What happen to me？

Down Down Down...Falling Down